0

’’ اسلام کی بنیادی باتیں( حصہ02) ‘‘بچوں کے لیے بنیادی اسلامی معلومات پر مشتمل منفرد کتاب ہے ۔ بنیادی طور پر یہ کتاب مدرسۃ المدینہ میں ناظرہ پڑھنے والےطلبہ کو پڑھانے کے لیے تحریر کی گئی ہے۔اس کتاب میں بچوں کو یاد کرانے کے لیے نماز کے اذکاراور آخری کلمے شامل ہیں ۔ان کے علاوہ بچوں کے ذہن کے مطابق اسلام کے بنیادی عقائد جن میں اللہ تعالی ،انبیائے کرام علیہم السلام ، فر شتے ،آسمانی کتاب ،صحابہ کرام رضوان اللہ علیہم اجمعین اور اولیائے کرام رحمہم اللہ سے متعلق ضروری باتیں شامل ہیں ۔بہت آسان طریقے سے وضو اور نماز کے حوالے سے ضروری معلومات درج کی گئی ہیں ۔بالخصوص بچوں کی دینی تربیت کے لیے دینی آداب اور معاشرے کا اچھا فرد بننے کے لیے معاشرتی آداب کو بھی اس کتاب میں بیان کیا گیا ہے۔ بچوں کی روحانی ترقی کے لیے اوراد ووظائف بھی شامل کیے گئے ہیں ۔ اس کتاب کا مقصد مدرسۃ المدینہ سے فارغ ہونے والے طلبہ وطالبات کو تعلیم قرآن کے ساتھ ساتھ دین اسلام کی تعلیمات سے بھی روشناس کراناہے تاکہ ان میں علم وعمل دونوں رنگ نظر آئیں، وہ حسن اخلاق کے پیکر ہوں ، اچھائی اور برائی کی پہچان رکھتے ہوں ، بری عادتوں سے پاک اور اچھے اوصاف کے مالک ہوں اور بڑے ہوکر معاشرے کے ایسے با کردار مسلمان بنیں کہ عمر بھر اپنی اور ساری دنیا کے لوگوں کی اصلاح کی کوشش میں مصروف رہیں۔ یہ کتاب مدرسۃ المدینہ کے بچوں کے ساتھ ساتھ دیگر بچوں کے لیے بھی اتنی ہی مفید ہے ۔والدین کو چاہیے اس کتاب کو خریدیں اور اس کے ذریعے اپنے بچوں کی تربیت اور ان کے علم وعمل میں بہتری لائیں ۔