0

اللہ تعالی نے قرآن پاک کو تمام اقوام کے لیے نازل فرمایا ہے۔ اور قرآن کے پیغام کو تمام اقوام تک پہنچانے کا ایک راستہ یہ بھی ہے کہ انہیں ان کی زبان میں قرآن پاک کا ترجمہ و تفسیر فراہم کیا جائے۔ اور بالخصوص جب زبان ایسی ہو جو دنیا کے تمام لوگوں کو جوڑنے کا ذریعہ ہو تو اس زبان میں قرآن پاک کے پیغام کو عام کرنا اور بھی زیادہ ضروری ہے۔ اسی ضرورت کے پیش نظر مکتبۃالمدینہ نے The Clear Criterion کی اشاعت کی جو انگریزی زبان میں قرآن پاک کامکمل ترجمہ اورتفسیر ہے۔یہ کنز العرفان مع افہام القرآن کا انگلش ورژن ہے جو بالخصوص انگلش سمجھنے والے افراد کے لیے تیار کیا گیا ہے۔ اس انگلش ترجمہ اور تفسیر کی چند خصوصیات یہ ہیں: 1. یہ انگلش ترجمہ اعلیٰ حضرت امام احمد رضا خان علیہ الرحمۃ کے ترجمہ کنز الایمان کے مطابق ہے۔ 2. اس ترجمہ و تفسیر میں انگلش کے ایسے الفاظ استعمال کیے گئے ہیں جس کو سب لوگ آسانی سے سمجھ سکتے ہیں۔ 3. مختلف مقامات پر بریکٹ میں بھی وضاحت دی گئی ہے۔ 4. آیات کے موضوعات کو مختلف کلر تھیمز (Color Themes )کے ذریعے ہائی لائٹ کیا گیا ہے۔ 5. ترجمے کے ساتھ مختصر اور مستند تفسیر بھی بیان کی گئی ہے۔ 6. انگریزی زبان کے وہ الفاظ استعمال کیے گئے ہیں جو دور حاضر میں استعمال ہو رہے ہیں۔ 7. اس کے ساتھ ساتھ اسے "انٹرنیشنل اسٹینڈرڈ" کے مطابق کوالٹی پیپر کے ساتھ شائع کیا گیا ہے ۔ انگلش سمجھنے والے افراد کے لیے مکتبۃ المدینہ کا شائع کردہ یہ ترجمہ و تفسیر The Clear Criterion ہر شخص اور گھر کی ضرورت ہے